Átta í landslið fimleika

Átta í landslið fimleika

Átta iðkendur frá Fimleikadeild Ungmennafélags Selfoss hafa verið valdir í landslið Íslands sem keppir á Evrópumeistaramóti í hópfimleikum sem haldið verður í Slóveníu í október.

Eva Grímsdóttir er í A landsliði kvenna. Eysteinn Máni Oddsson, Konráð Oddgeir Jóhannsson, Margrét Lúðvígsdóttir og Rikharð Atli Oddsson eru í A blönduðu liði. Í stúlknaliði eru Aníta Sól Tyrfingsdóttir og Júlíana Hjaltadóttir og í blönduðu liði unglinga er Hekla Björt Birkisdóttir.

Alls fara fjögur lið til keppninnar, tvö í hópi fullorðinna og tvö unglingalið.

Þetta er frábær árangur hjá fimleikafólkinu okkar og ljóst að Selfoss á mjög öfluga fimleikamenn í sínum hópi. Við óskum iðkendum til hamingju og hlökkum til að fylgjast með gengi þeirra í haust.

Tags:
, ,