Uppskeruhátíð Fimleikasambands Íslands og TM

Uppskeruhátíð Fimleikasambands Íslands og TM

Síðasta fimmtudag fór fram uppskeruhátíð Fimleikasambands Íslands og TM. Hátíðin var öll hin glæsilegasta, hún fór fram í salnum Flóa í Hörpu.

Góð mæting var á hátíðina og var gleðin allsráðandi. Árið 2016 var eitt það besta í fimleikasögunni og því mörgu að fagna.

Landsliðsfólkið okkar fékk viðurkenningu fyrir góðan árangur á árinu.

Það voru: Eva Grímsdóttir, Margrét Lúðvígsdótttir, Eysteinn Máni Oddsson, Konráð Oddgeir Jóhannsson Rikharð Atli Oddsson, Júlíana Hjaltadóttir og Hekla Björt Birkisdóttir.

Steinunn Húbertína fékk starfsmerki FSÍ fyrir frábært starf, hún hefur verið einn af okkur fremstu þjálfurum síðustu 20 ár. Steinunn hefur aðallega sinnt yngstu iðkendum fimleikanna og má fullyrða að alúð hennar og nærfærni við að leiða börnin fyrstu skrefin í íþróttinni styrki þau og efli þegar þau ákveða að gera fimleikana að sinni íþrótt. Þá hefur hún sinnt mikilvægu frumkvöðlastarfi þegar kemur að skipulagningu íþróttaskóla fyrir leikskólabörn og hefur hún haft umsjón með honum frá upphafi.