Seinasta Grýlupottahlaup ársins

Seinasta Grýlupottahlaup ársins

Góð þátttaka var í næstsíðasta Grýlupottahlaupi ársins sem fram fór á Selfossvelli laugardaginn 21. maí. Bestum tíma hjá stelpunum náði Lára Björk Pétursdóttir, 3:14 mín og hjá strákunum var það Dagur Fannar Einarsson sem hljóp á 2:58 mín.

Öll úrslit úr hlaupinu má finna á vef Sunnlenska.is.

Sjötta og seinasta hlaup ársins fer fram nk. laugardag 28. maí og er hluti af 80 ára afmælishátíð Ungmennafélags Selfoss og hreyfiviku UMFÍ. Skráning hefst kl. 10:30 og er fólk hvatt til að mæta tímanlega til að forðast biðraðir.

Vegalengd Grýlupottahlaupsins er 850 m. Hlaupið er frá stúku knattspyrnuvallar, Engjaveginn, beygt inn hjá Gesthúsum og endað á frjálsíþróttavellinum.

Að loknum sex hlaupum eru tekinn saman besti árangur úr samanlögðum fjórum hlaupum og veitt verðlaun. Verðlaunaafhending fer fram 4. júní klukkan 11 í Tíbrá.

Mynd úr fyrra hlaupi ársins 2016
Ljósmynd: Umf. Selfoss/GJ