Selfoss Classic – 75 ára afmælismót FRÍ

Selfoss Classic – 75 ára afmælismót FRÍ

Þann 28. maí fer fram boðsmótið Selfoss Classic – 75 ára afmælismót FRÍ á Selfossvelli. Margt af okkar fremsta frjálsíþróttafólki mun keppa ásamt sterkum erlendum keppendum. Vésteinn Hafsteinsson, fyrrum Íslandsmethafi í kringlukasti, mætir með strákana sína, Daniel Ståhl og Simon Pettersson sem unnu til gull- og silfurverðlauna á Ólympíuleikunum í Tókýó á síðasta ári.

Það verður skemmtileg dagskrá í boði fyrir alla sem hafa áhuga á að kynnast því hvernig líf og þjálfun afreksíþróttamanns er háttað. Vésteinn mun halda fyrirlestur um afreksþjálfun, það verður opin æfing með Ståhl og Pettersson þar sem fólk getur séð hvernig þeir æfa og hægt er að spyrja spurninga. Einnig verður hægt að fá eiginhandaáritanir og verður blaðamannafundur fyrir fjölmiðla. Nánari upplýsingar varðandi dagskrá koma síðar.

Frá Selfossi að Ólympíugulli – fyrirlestur

Vésteinn Hafsteinsson, sem tekið hefur þátt í 10 Ólympíuleikum og þjálfar bestu kringlukastara heims, heldur fyrirlestur um afreksmennsku og hvað þarf til að ná árangri. Það eru allir velkomnir. 
Fyrirlesturinn verður í Fjölbrautaskóla Suðurlands á Selfossi fimmtudaginn 26. maí klukkan 18:00

Opnar æfingar – Allir velkomnir

Miðvikud 25.maí kl 11  –  Kastæfing á Selfossvelli
Miðvikud 25.maí kl 17  –  Lyftingaæfing í Selfosshöllinni

Fimmtud 26.maí kl 10  –  Kastæfing á Selfossvelli
Fimmtud 26.maí kl 15.30  Lyftingaæfing í Selfosshöllinni

 
 

Drög að tímaseðli á Selfoss Classic sem verður laugardaginn 28.mai:

KL Grein Kyn
12:00 Sleggjukast Blandað
13:00 Hástökk Konur
13:20 100m Karlar / U18 piltar
13:30 100m Konur / U18 stúlkur
13:30 Langstökk Blandað
14:00 1500m Karlar
14:10 800/1500m Konur
14:20 200m Karlar
14:30 Kringlukast Karlar
14:35 200m Konur