Eyþór tekur við kvennaliðinu

Eyþór tekur við kvennaliðinu

Eyþór Lárusson hefur verið ráðinn þjálfari meistaraflokks kvenna.

Eyþór er Selfyssingur í húð og hár og lék með meistaraflokki karla frá 2007-2013 og hefur verið þjálfari yngri flokka síðustu 15 ár.  Hann er því öllum hnútum kunnugur í deildinni. 

Eyþór tekur við stjórnartaumunum af Svavari Vignissyni sem hætti sem þjálfari eftir nýliðið tímabil.  En í vetur unnu stelpurnar sér inn sæti í deild þeirra bestu.  Við Þökkum Svavari fyrir hans framlag í vetur. 

Deildin er gríðarlega ánægð með að geta ráðið heimamann í starfið og bindur miklar vonir við Eyþór, sem er ungur og metnaðarfullur þjálfari. Það er mjög spennandi vetur í vændum hjá meistaraflokki kvenna.