Hergeir og Roberta best

Hergeir og Roberta best

Lokahóf handknattleiksdeildar Selfoss fór fram með seinni skipunum í þetta skiptið í sumarblíðu í Hótel Selfoss á laugardagskvöldið 11. júní. Dagskráin var með hefðbundnu sniði og var veislustjóri kvöldsins Ingvar Örn Ákason eða Byssan.  Á hófinu voru veitt einstaklingsverðlaun fyrir meistaraflokka og U-liðið auk þess sem félagi ársins var valinn og aðrar viðurkenningar veittar.

Guðfinna Tryggvadóttir var valin félagi ársins en Guðfinna hefur verið mjög öflug í kringum meistaraflokk kvenna í vetur og haldið utan um framkvæmd heimaleikja liðsins ásamt því að hugsa vel um stelpurnar. Einnig hefur unnið sjálfboðaliðastörf í kringum leiki hjá u-liði karla og hjá meistaraflokki karla. Fólk eins og Guðfinna er ómissandi í starfi deildarinnar.

Roberta Stropé var valin besti leikmaður meistaraflokks kvenna. Hergeir Grímsson var valinn besti leikmaður meistaraflokks karla. Þá var Tryggvi Sigurberg Traustason valinn besti leikmaður U-liðsins auk þess að vera markakóngur liðsins. Tinna Sigurrós Traustadóttir var valin efnilegasti leikmaður, var markadrottning og sóknarmaður ársins, en Ísak Gústafsson var valinn efnilegastur karlamegin. Einar Sverrisson var valinn varnarmaður ársins ásamt því að vera markakóngur þá var Tinna Soffía Traustadóttir valin varnarmaður ársins kvennamegin. Atli Ævar Ingólfsson var sóknarmaður ársins og baráttubikarinn fengu þau Richard Sæþór Sigurðsson og Elínborg Katla Þorbjörnsdóttir.

Veittar voru viðurkenningar fyrir spilaða leiki. Viðurkenningu fyrir 100 leiki spilaða fyrir Selfoss fengu þau Atli Ævar Ingólfsson, Ragnar Jóhannsson, Tryggvi Þórisson, Alexander Hrafnkelsson, Katla Björg Ómarsdóttir, Jósef Geir Guðmundsson (liðsstjóri) og Þórir Ólafsson (þjálfari).
Fyrir 200 leiki spilaða fyrir Selfoss fengu viðurkenningar þeir Hergeir Grímsson, Einar Sverrisson, Jón Birgir Guðmundsson (sjúkraþjálfari) og Örn Þrastarson (þjálfari).

Félagi ársins: Guðfinna Tryggvadóttir

U-lið
Markakóngur: Tryggvi Sigurberg Traustason (120 mörk)
Besti leikmaður: Tryggvi Sigurberg Traustason

Meistaraflokkur kvenna
Markadrottning: Tinna Sigurrós Traustadóttir (174 mörk)
Varnarmaður: Tinna Soffía Traustadóttir
Sóknarmaður: Tinna Sigurrós Traustadóttir
Efnilegasti leikmaður: Tinna Sigurrós Traustadóttir
Baráttubikarinn: Elínborg Katla Þorbjörnsdóttir
Besti leikmaður: Roberta Stropé

Meistaraflokkur karla
Markakóngur: Einar Sverrisson (138 mörk)
Varnarmaður: Einar Sverrisson
Sóknarmaður: Atli Ævar Ingólfsson
Efnilegasti leikmaður: Ísak Gústafsson
Baráttubikarinn: Richard Sæþór Sigurðsson
Besti leikmaður: Hergeir Grímsson

 

Félagi ársins, Guðfinna Tryggvadóttir ásamt börnunum sínum, Tryggva Sigurberg og Tinnu Sigurrós Traustabörnum.

 

Fríður flokkur sem fékk viðurkenningar fyrir fjölda leikja.

 

Hergeir Grímsson var valinn leikmaður ársins í mfl. karla og Tinna Sigurrós Traustadóttir var valin efnilegust ásamt því að vera markahæst og sóknarmaður ársins í mfl kvenna.

 

Öll viðstödd sem hlutu verðlaun á lokahófinu.