Upphitun fyrir ÍBV – Selfoss í 1.deild karla

Upphitun fyrir ÍBV – Selfoss í 1.deild karla

Á laugardaginn 16. febrúar leikur Selfoss gegn ÍBV í Vestmanneyjum klukkan 13:30. ÍBV vann góðan sigur 26-32 í fyrri leik liðana í deildinni, en Selfoss hefndi fyrir það tap á miðvikudaginn í bikarnum 27-23. Það verður því mikið undir á laugardaginn eins og ávallt í viðureignum þessara liða.

ÍBV er á frábærri siglingu í 1.deildinni og eru efstir með 22 stig. Þeir hafa ekki tapað í seinustu 11 leikjum, gert eitt jafntefli og sigrað tíu leiki. Það er þó hægt að vinna þetta lið eins og Selfoss sýndi á miðvikudagskvöldið. Markahæsti leikmaður ÍBV er Nemanja Malovic sem er með 89 mörk í 13 leikjum. Næst koma Grétar Þór Eyþórsson og Andri Heimir Friðriksson báðir með 65 mörk í 13 leikjum. Í liðinu leikur svo eins og flestir Selfyssingar vita Guðni Ingvarsson sem lék lengi hér við góðan orðstír. Í markinu standa svo Kolbeinn Aron Ingibjargarson og Haukur Jónsson. 

Gengi ÍBV á tímabilinu: J-T-S-S-S-S-S-J-S-S-S-S-S

Selfoss liðið er taplaust eftir áramót 2 sigrar í deild og einn í bikar. Það er því komið gott sjálfstraust í hópinn og stemingin góð. Liðið þarf þó að ná sér fljótt niður eftir leikinn á miðvikudagskvöldið. Nú er bara næsta verkefni og ÍBV á útivelli gerist varla erfiðara. Ef liðið spilar sama varnarleik og í undanförnum leikjum og fær upp markvörsluna. Þá eru ávallt góðar líkur á góðum úrslitum. Það kemur líklega engum á óvart að Einar Sverisson sé ennþá markahæsti leikmaður liðsins með 88 mörk í 13 leikjum. Næst kemur svo stórskyttan vinstra megin Matthías Örn Halldórsson sem hefur skorað 59 mörk í 13 leikjum. En líklega óvæntasta framkoma leikmanns undanfarið er breyting á Herði Mássyni sem hefur farið mikið í bæði markaskorun og varnarleik Selfoss undanfarið. Hann hefur svo sannarlega hjálpað liðinu síðan hann kom og mikill fengur í honum. Sama má segja um Gústaf Lilliendahl sem því miður fær ekki að upplifa bikarævintýri Selfoss inn á vellinum. Hann hefur verið að koma með mikla stemmingu með sér og grimmd bæði í vörn og sókn. Liðið er svo líklega með eitt besta markvarðarpar á Íslandi en þeir Helgi Hlynsson og Sverrir Andrésson þurfa að eiga góða daga núna á lokasprettinum í deildinni. Þeir voru báðir með um 50% markvörslu gegn ÍBV á miðvikudagskvöldið. Virkilega gaman að sjá þá félaga bakka hvorn annan vel upp.

Gengi Selfoss á tímabilinu: S-S-T-S-S-S-T-T-S-T-T-S-S

Það er ennþá svolítil óvissa hvernig 3 umferðin raðast upp.Vitað er að næsti leikur Selfoss verður á þriðjudaginn næsta gegn annað hvort ÍBV eða Stjörnunni á heimavelli. Þannig staðan er sú ef Selfoss vinnur á laugardaginn þá mætum við stjörnunni, en annars líklega ÍBV í 3 leikinn í röð.

Áfram Selfoss!

1.deild karla 2013
Meistaraflokkur
Nr. Félag Leik U J T Mörk Nett Stig
1. ÍBV 13 10 2 1 408:294 114 22
2. Stjarnan 13 9 3 1 389:302 87 21
3. Víkingur 13 9 1 3 342:278 64 19
4. Selfoss 13 8 0 5 351:320 31 16
5. Grótta 13 6 0 7 352:341 11 12
6. Fjölnir 13 3 1 9 305:381 -76 7
7. Þróttur 13 2 0 11 298:403 -105 4
8. Fylkir 13 1 1 11 287:413 -126 3

 

 

No Comments

Sorry, the comment form is closed at this time.