Jórvík fasteignir ehf og knattspyrnudeild Selfoss í samstarf

Jórvík fasteignir ehf og knattspyrnudeild Selfoss í samstarf

Jórvík fasteignir ehf skrifaði á dögunum undir styrktarsamning til þriggja ára við knattspyrnudeild Selfoss.
 
Undirritunin fór fram í reisugildi fyrir fyrstu húsin sem risin eru í nýja Jórvíkurhverfinu á Selfossi, við götuna Bergvík, en á sama tíma skrifaði Jórvík fasteignir undir samning við Knattspyrnufélag Árborgar. Undir samninginn skrifuðu þeir Snorri Sigurðsson, framkvæmdastjóri Jórvíkur fasteigna ehf, Jón Steindór Sveinsson, formaður knattspyrnudeildar Selfoss og Eiríkur Sigmarsson stjórnarmaður Knattspyrnufélags Árborgar.
„Það er okkur mikil ánægja að ná samningum við knattspyrnudeild Selfoss. Það er markmið okkar, forsvarsmanna Jórvík fasteigna, að reyna að efla nærsamfélagið og þá sérstaklega íþrótta- og menningarviðburði þar sem þeir tengja íbúa sveitarfélagsins saman. Það er okkur því mikill heiður að geta hjálpað til við frekari innviðauppbyggingu hjá knattspyrnudeild Selfoss til næstu þriggja ára,“ sagði Snorri við undirritunina.
Jón Steindór segir það mikið fagnaðarefni fyrir deildina að Jórvík fasteignir skuli vilja gera langtímasamning til þriggja ára með það að markmiði styrkja uppbyggingu deildarinnar.
„Knattspyrnudeild Selfoss leggur mikið upp úr því að hafa umgjörð í kringum meistaraflokka félagsins eins og best verður á kosið hérlendis. Aðkoma Jórvík fasteigna er mjög mikilvæg og gríðarleg innspýting í þá vinnu sem unnin hefur verið undanfarin ár. Það er ekki sjálfgefið að fyrirtæki styðji við bakið á íþrótta- og tómsstundarstarfi í sinni heimabyggð með svona sterkum hætti og erum við í knattspyrnudeildinni því virkilega þakklát og vonumst eftir farsælu samstarfi,“ sagði Jón Steindór.