Unglingadómaranámskeið á Selfossi

Unglingadómaranámskeið á Selfossi

Unglingadómaranámskeið í knattspyrnu verður haldið hjá Selfossi í Tíbrá, félagsheimili Umf. Selfoss, mánudaginn 16. mars kl. 18:00.

Námskeiðið er haldið af KSÍ í samvinnu við Selfoss og hefst kl. 18:00. Námskeiðið stendur í um tvær og hálfa klukkustund og er öllum opið sem náð hafa 15 ára aldri.

Á námskeiðinu er lögð aðaláhersla á knattspyrnulögin en auk þess verður einnig farið yfir ýmis konar kynningarefni, fræðsluefni, skýringar og skýringarmyndir.  Námskeiðinu lýkur með skriflegu prófi viku síðar.

Námskeiðið er ókeypis.

Sá sem lýkur unglingadómaraprófi hefur rétt á að dæma í 4. flokki og neðar ásamt því að vera aðstoðardómari upp í 2. flokk.

Skráning er hafin á netfangið magnus@ksi.is.