Elvar Örn og Dagný María íþróttafólk HSK 2018

Elvar Örn og Dagný María íþróttafólk HSK 2018

Selfyssingarnir Dagný María Pétursdóttir úr taekwondodeild Selfoss og Elvar Örn Jónsson úr handknattleiksdeild Selfoss eru íþróttakona og íþróttakarl Héraðssambandsins Skarphéðins fyrir árið 2018. Tilkynnt var um kjörið á héraðsþingi HSK sem fram fór í gærkvöldi á Laugalandi í Holtum.

Dagný María vann til gullverðlauna á Norðurlandamótinu 2018 og vann einnig til gullverðlauna á Nurtzi Open í Finnlandi. Hún er ein af sterkustu keppendum í kvennaflokki á Íslandi.

Elvar Örn er lykilleikmaður í toppliði Selfoss í Olís-deild karla í handbolta en liðið náði sínum besta árangri í deildarkeppni á árinu, lék í undanúrslitum Íslandsmótsins og tók þátt í Evrópukeppni. Elvar Örn hefur á árinu stimplað sig inn sem byrjunarliðsmaður hjá íslenska landsliðinu ásamt því að vera valinn besti leikmaður Olís-deildarinnar á síðustu leiktíð.

Aðrir tilnefndir í kjörinu voru:

Akstursíþróttir: Atli Jamil Ásgeirsson, Torfæruklúbbi Suðurlands.
Blak: Ragnheiður Eiríksdóttir, Hamri og Hilmar Sigurjónsson, Hamri.
Frjálsar íþróttir:Hulda Sigurjónsdóttir, Suðra og Kristinn Þór Kristinsson, Selfoss.
Íþróttir fatlaðra: Hulda Sigurjónsdóttir, Suðra og Bjarni Friðrik Ófeigsson, Suðra.
Golf: Heiðrún Anna Hlynsdóttir, GOS og Andri Már Óskarsson, GHR.
Glíma: Jana Lind Ellertsdóttir, Garpi og Jón Gunnþór Þorsteinsson, Þjótanda.
Handknattleikur: Perla Ruth Albertsdóttir, Selfossi.
Hestaíþróttir: Katrín Eva Grétarsdóttir, Háfeta og Sigurður Sigurðarson, Geysi.
Júdó: Egill Blöndal, Selfossi.
Knattspyrna: Magdalena Anna Reimus, Selfossi og Guðmundur Axel Hilmarsson, Selfossi.
Körfubolti: Helga Sóley Heiðarsdóttir, Hamri og Halldór Garðar Hermannsson, Þór.
Motocross: Gyða Dögg Heiðarsdóttir, Selfossi.
Skotíþróttir: Helga Jóhannsdóttir, SFS og Hákon Þór Svavarsson, SFS.
Taekwondo: Þorsteinn Ragnar Guðnason, Selfossi.

Á mynd með frétt eru Elvar Örn og Daníel Jens Pétursson sem tók við verðlaununum fyrir hönd Dagnýjar Maríu sem er við nám í Danmörku.
Á mynd fyrir neðan eru Elvar Örn og Daníel Jens ásamt Guðmundi Kr. Jónssyni heiðursformanni HSK og Guðríði Aadnegard formanni HSK sem afhentu verðlaunin.
Ljósmynd: Umf. Selfoss/Gissur Jónsson

Til baka