Þórir Ólafs tekur við strákunum

Þórir Ólafs tekur við strákunum

Handknattleiksdeild Selfoss hefur samið við Þóri Ólafsson um þjálfun meistaraflokks karla.

Þórir er Selfyssingur í húð og hár og hlaut sitt handboltalega uppeldi á Selfossi. Síðan lék hann með Haukum, Lübbecke í Þýskalandi og stórliði Kielce í Póllandi. Með stuttri millilendingu hjá Stjörnunni kom Þórir aftur inn í starfið á Selfossi sumarið 2015. Hann hefur síðan þá verið í ýmsum hlutverkum, leikmaður, aðstoðarþjálfari bæði hjá meistaraflokki karla og kvenna, þjálfari í yngri flokkum og U-liðum. Þórir á að baki 112 landsleiki fyrir Íslands hönd. Þórir býr yfir mikilli reynslu sem mun klárlega nýtast, en hann hefur unnið með mörgum frábærum þjálfurum í gegnum tíðina.

Halldór Jóhann Sigfússon fékk spennandi tækifæri í þjálfun í Danmörku. Eins og alltaf þá fagnar félagið því þegar leikmenn og þjálfarar þess fá tækifæri á alþjóðavettvangi.

Deildin óskar Halldóri velfarnaðar í nýju starfi og þökkum við honum vel unnin störf á Selfossi.