Heiti sjóðsins
Sjóðurinn heitir Afreks- og styrktarsjóður Umf. Selfoss og Árborgar.
Afreks og styrktarsjóður
Afreks- og styrktarsjóður Umf. Selfoss og Árborgar
Afreks- og styrktarsjóður
Reglugerð fyrir Afreks- og styrktarsjóð Umf. Selfoss og Árborgar. Sjóðurinn er ætlaður til að styðja við einstaklinga, hópa, þjálfara, leiðbeinendur, félagsmenn, deildir og nýmæli í starfi innan Umf. Selfoss.
Markmið sjóðsins
Tilgangur sjóðsins er að styrkja einstaklinga eða hópa innan Umf. Selfoss sem náð hafa umtalsverðum árangri í íþrótt sinni, styðja við menntun og námskeið og efla nýmæli í starfi félagsins.
Heiti og tilgangur sjóðsins
Tilgangur sjóðsins
Tilgangur sjóðsins er að styrkja þá einstaklinga eða hópa innan Umf. Selfoss sem náð hafa umtalsverðum árangri í íþrótt sinni.
Einnig er sjóðnum ætlað að styðja við námskeið og menntun þjálfara, leiðbeinenda eða félagsmanna sem eflir þá í starfi innan félagsins. Þá er sjóðnum ætlað að styðja við nýmæli í starfi innan félagsins.
Hverjir geta sótt um styrk?
Styrkhæfi umsækjenda
Eingöngu félagar og keppnishópar innan Umf. Selfoss sem stunda íþróttir sem viðurkenndar eru af Íþrótta- og Ólympíusambandi Íslands geta sótt um styrk úr sjóðnum.
Íþróttakarl og íþróttakona ársins skulu fá ákveðna upphæð við kjör ár hvert án umsóknar. Stjórn sjóðsins skal ákveða upphæð hverju sinni.
Þeir sem sækja um styrki vegna námskeiða, menntunar eða nýmæla í starfi skulu einnig vera félagar innan Umf. Selfoss eða starfa innan félagsins. Sama á við um deildir eða hópa.
Mikilvægt: Sjóðurinn er fyrir einstaklinga, hópa, deildir og aðila sem tengjast starfi Umf. Selfoss og uppfylla skilyrði reglugerðarinnar.
Stjórn og tekjur sjóðsins
Stjórn sjóðsins
Stjórn sjóðsins skipar framkvæmdastjórn Umf. Selfoss: formaður, varaformaður, gjaldkeri, ritari og meðstjórnandi.
Til vara skulu skipaðir einstaklingar úr aðalstjórn félagsins. Varsla sjóðsins skal vera í höndum gjaldkera félagsins.
Tekjur sjóðsins
Tekjur sjóðsins eru árlegt framlag Sveitarfélagsins Árborgar, samkvæmt þjónustusamningi þess við Umf. Selfoss. Framlagi sveitarfélagsins skal haldið aðskildu í bókhaldi sjóðsins.
Aðrar tekjur eru núverandi tekjustofn afreksmannasjóðs Umf. Selfoss, samkvæmt ákvörðun stjórnar, ásamt almennum framlögum.
Framlög sem sjóðnum berast og óskað er eftir að gangi til ákveðins íþróttamanns eða íþróttamanna skulu ganga beint til viðkomandi aðila.
Styrkir til einstaklinga
Skilyrði fyrir styrk til einstaklinga
Stjórn sjóðsins getur veitt styrk til einstaklinga innan deilda félagsins ef viðkomandi uppfyllir skilyrði reglugerðarinnar.
Um er að ræða afreksfólk sem hefur verið valið til keppni fyrir Íslands hönd eða einstök sérsambönd innan ÍSÍ. Miða skal við að viðkomandi keppi á eða hafi möguleika á þátttöku á Ólympíu-, heims-, Evrópu- eða Norðurlandameistaramótum ásamt landsleikjum eða landskeppnum á vegum sérsambanda ÍSÍ.
Afreksfólk í fremstu röð
Styrkur getur farið til afreksmanna sem eru í fremstu röð á Íslandi og taka þátt í alþjóðlegum verkefnum, samkvæmt ákvörðun stjórnar sjóðsins.
Yngri landslið Íslands
Styrkur getur farið til afreksmanna sem keppa fyrir hönd yngri landsliða Íslands, til að mæta kostnaði vegna æfinga eða keppni utan sveitarfélagsins.
Reikningar og úthlutun: Framvísa þarf reikningum með umsókn. Hver einstaklingur getur fengið úthlutað einu sinni á ári.
Styrkir til deilda
Skilyrði fyrir styrk til deilda
Stjórn sjóðsins getur veitt styrk til deilda innan félagsins ef þær uppfylla annað eftirtalinna skilyrða.
Námskeið og menntun
Styrkur getur verið vegna útlagðs kostnaðar deilda vegna þjálfara og/eða leiðbeinenda sem starfa á vegum félagsins vegna þátttöku í viðurkenndum námskeiðum eða annarri viðurkenndri menntun.
Gæðastarf og fræðslustarf
Styrkur getur einnig farið til deilda, ráða, nefnda eða hópa innan félagsins sem tengjast gæðastarfi eða skipulögðu fræðslustarfi.
Nýmæli í starfi
Styrkur getur farið til nýmæla í starfi. Miða skal við að um tímabundinn styrk sé að ræða meðan verið er að skjóta stoðum undir viðkomandi nýmæli.
Ekki almenn mót
Almennir íþróttaviðburðir eða mót falla ekki undir styrk vegna nýmæla í starfi. Framvísa þarf reikningum með umsókn.
Viðmiðun vegna námskeiða: Greitt er að hámarki 30.000 kr. vegna námskeiðs innanlands og 50.000 kr. vegna námskeiðs erlendis.
Upphæðir og úthlutun
Fjárhagsleg geta sjóðsins
Þær upphæðir sem nefndar eru í reglugerðinni eru til viðmiðunar, en styrkurinn miðast við fjárhagslega getu sjóðsins hverju sinni og tilkostnað vegna þátttöku.
Styrkveitingar úr sjóðnum fara fram á uppskeruhátíð íþrótta- og menningarnefndar Árborgar sem fram fer árlega milli jóla og nýárs.
Umsóknir
Umsóknarfrestur og undirritun
Umsóknir um styrk úr sjóðnum skulu berast sjóðsstjórn eigi síðar en 1. desember ár hvert og vera undirritaðar af formanni eða starfsmanni viðkomandi deildar.
Ef um er að ræða umsóknir frá hópum eða liðum er fullnægjandi að formaður eða starfsmaður deildar undirriti umsókn.
Í umsókn skal gerð grein fyrir þeim kostnaði sem viðkomandi kann að hafa orðið fyrir eða áætluðum kostnaði.
Umsóknarfrestur: Umsóknir skulu berast sjóðsstjórn eigi síðar en 1. desember ár hvert.
Samþykkt og gildistaka
Samþykkt reglugerðar
Reglugerðin var samþykkt á fundi aðalstjórnar 6. mars 2019 og gildir frá 1. janúar 2019. Um leið falla úr gildi eldri reglugerðir um starfsemi sjóðsins.
Stuðningur við árangur, menntun og þróun
Afreks- og styrktarsjóður Umf. Selfoss og Árborgar styður við einstaklinga, hópa og deildir sem vinna að árangri, menntun, gæðastarfi og nýjum verkefnum innan félagsins.