Jafnréttisáætlun Umf. Selfoss

Lög, reglur og stefnur félagsins

Jafnréttisáætlun Umf. Selfoss

Jafnréttisáætlun Ungmennafélags Selfoss byggir á lögum nr. 10/2008 um jafna stöðu og jafnan rétt kvenna og karla. Áætlunin er jafnframt byggð á vinnu Íþrótta- og Ólympíusambands Íslands og Jafnréttisstofu um gerð jafnréttisáætlana fyrir íþróttafélög og leiðbeiningar þess efnis.

Sækja jafnréttisáætlun sem PDF Skoða markmið og aðgerðir

Jafnrétti í öllu starfi félagsins

Markmið áætlunarinnar er að jafnrétti sé virkt í starfi félagsins, hvort sem um er að ræða iðkendur, þjálfara, stjórnir, nefndir, ráð, aðstöðu, fjármagn, kynningu eða eftirfylgni.

Samþykkt og staðfesting

Jafnréttisáætlun fyrir Ungmennafélag Selfoss var samþykkt á fundi framkvæmdastjórnar Umf. Selfoss miðvikudaginn 6. nóvember 2019 og staðfest á fundi aðalstjórnar Umf. Selfoss miðvikudaginn 4. desember 2019.

Jafnréttisáætlunin átti að leggja fyrir aðalfund Ungmennafélags Selfoss árið 2020, en þar sem ekki tókst að halda hann með hefðbundnum hætti beið endanleg samþykkt til aðalfundar Umf. Selfoss 2021.

Áætlunin á að vera lifandi plagg. Árlega fer stjórn félagsins yfir jafnréttisáætlunina og metur árangur verkefna: Hvað gerum við vel? Hvað getum við gert betur?

Megináherslur áætlunarinnar

Iðkendur

Að öll kyn fái sambærileg tækifæri, æfingatíma, aðstöðu, aðbúnað, fjárveitingar, verðlaun og umfjöllun í starfi félagsins.

Þjálfarar

Að þjálfarar njóti sömu tækifæra, launa og kjara fyrir sambærileg störf og fái fræðslu um jafnrétti kynjanna.

Nefndir og ráð

Að hlutfall kynja í nefndum, ráðum og stjórnum sé sem jafnast og endurspegli starf félagsins.

Eftirfylgni og endurskoðun

Að áætlunin sé virk, kynnt innan félagsins, birt á heimasíðu og endurskoðuð reglulega.

Iðkendur

Jafnréttisáætlunin leggur áherslu á að iðkendur hafi jöfn tækifæri til þátttöku, óháð kyni, og að félagið vinni markvisst gegn staðalmyndum, mismunun og áreitni.

Markmið	Aðgerð	Ábyrgð	Tímarammi
Öll kyn, í sömu íþróttagrein og á sama aldri, fái jafn marga og sambærilega æfingatíma. Kynin hafi sambærilega aðstöðu og aðbúnað.	Úttekt á æfingatíma kynja í sömu íþróttagrein og á sama aldri. Úttekt á aðbúnaði og aðstöðu kynja í sömu grein og á sama aldri. Leiðrétta kynbundinn mun ef er.	Stjórn eða framkvæmdastjóri.	Árlega
Samræmi í fjárveitingum til íþróttagreina eftir kynjum. Kynjunum er ekki mismunað í fréttum eða öðru efni sem félagið sendir frá sér.	Úttekt á því hvernig fjármagni er skipt milli íþróttagreina eftir kynjum. Úttekt á fréttum og öðru efni sem félagið sendir frá sér með tilliti til kyns. Leiðrétta kynbundinn mun ef er.	Stjórn eða framkvæmdastjóri.	Árlega
Verðlaun allra kynja innan allra flokka og greina eru sambærileg. Samstarfsaðilar þekki stefnu félagsins í jafnréttismálum.	Úttekt á verðlaunum eftir kyni. Leiðrétta kynbundinn mun ef er. Jafnréttisstefna félagsins kynnt fyrir samstarfsaðilum.	Stjórn eða framkvæmdastjóri.	Árlega
Vinna gegn staðalmyndum kynjanna.	Úttekt á fjölda iðkenda innan hverrar íþróttagreinar eftir kyni. Gæta þess að bæði kynin eigi jafna möguleika til iðkunar íþróttagreinar eða íþróttagreina.	Stjórn eða framkvæmdastjóri.	Árlega
Koma í veg fyrir kynbundið ofbeldi, kynbundna áreitni og kynferðislega áreitni innan félagsins.	Fræðsla fyrir þjálfara. Vinna forvarnar- og viðbragðsáætlun. Forvarnar- og viðbragðsáætlunin kynnt fyrir starfsfólki.	Stjórn félagsins.	Árlega

Þjálfarar

Félagið leggur áherslu á að þjálfarar séu vel menntaðir og hafi þekkingu á jafnrétti kynjanna. Jafnframt skulu þjálfarar njóta sömu launa, kjara og tækifæra til að afla sér þekkingar fyrir sömu eða sambærileg störf.

Markmið	Aðgerð	Ábyrgð	Tímarammi
Þjálfarar eru vel menntaðir og vel að sér um jafnrétti kynjanna. Þjálfarar njóta sömu launa og kjara fyrir sömu eða sambærileg störf og hafa sömu tækifæri til að afla sér þekkingar.	Fræðsla um jafnrétti kynjanna fyrir þjálfara, stjórn og starfsfólk félagsins. Úttekt á menntun, launum og launakjörum þjálfara með tilliti til kyns. Leiðrétta kynbundinn mun ef er.	Stjórn eða framkvæmdastjóri.	Árlega

Nefndir og ráð

Jafnrétti skal haft í huga við skipan í nefndir, ráð og stjórnir félagsins og einnig þegar ákveðið er hverjir koma fram fyrir hönd félagsins.

Markmið	Aðgerð	Ábyrgð	Tímarammi
Hlutfall kynjanna í nefndum, ráðum og stjórnum félagsins er sem jafnast og endurspeglar hlutfall iðkenda í viðkomandi íþróttagrein. Jafnrétti sé haft í huga varðandi það hverjir koma fram fyrir hönd félagsins.	Úttekt á nefndum, ráðum og stjórnum félagsins með tilliti til kyns. Úttekt á því hverjir koma fram fyrir hönd félagsins með tilliti til kyns. Leiðrétta kynbundinn mun ef er.	Stjórn félagsins.	Árlega

Eftirfylgni og endurskoðun

Jafnréttisáætlunin á að vera virk í öllu starfi félagsins. Hún á að vera lifandi plagg sem tekur breytingum þegar þurfa þykir. Árlega fer stjórn félagsins yfir jafnréttisáætlunina og metur árangur verkefna.

Markmið	Aðgerð	Ábyrgð	Tímarammi
Jafnréttisáætlunin sé virk í öllu starfi félagsins. Jafnréttisáætlunin sé í sífelldri þróun. Jafnréttisáætlunin sé endurskoðuð á fjögurra ára fresti.	Áætlunin og árangur verkefna kynnt innan félagsins og birt á heimasíðu. Fara yfir jafnréttisáætlunina og uppfæra með tilliti til árangurs og reynslu. Tillaga að nýrri jafnréttisáætlun lögð fram byggð á fyrri reynslu. Ný jafnréttisáætlun til næstu fjögurra ára samþykkt og tekur gildi.	Stjórn.	Árlega / fjórða hvert ár

Árleg yfirferð: Stjórn félagsins fer árlega yfir áætlunina og metur árangur verkefna. Endurskoðun skal fara fram á fjögurra ára fresti.

Jafnrétti í framkvæmd

Áætlunin nær til margra þátta í daglegu starfi félagsins. Veldu flýtileið hér fyrir neðan til að fara beint í þann kafla sem tengist viðkomandi áherslu.

Iðkendur Þjálfarar Stjórnir Nefndir og ráð Aðstaða Fjárveitingar Fræðsla Forvarnir Eftirfylgni