Intersporthlaupið eins og vindurinn 1. maí

friskir_floamenn
friskir_floamenn

Hlaupahópurinn Frískir Flóamenn stendur fyrir Intersporthlaupinu eins og vindurinn þann 1. maí nk. og hefst það kl. 13:00. Vegalengdir eru 5 km og 10 km og er lengd 10 km hlaupsins löglega mæld samkvæmt reglum FRÍ.

10 km eru hlaupnir frá Intersporti (BYKO) á Selfossi um Larsenstræti og Gaulverjabæjarveg. 5 km hlaupið hefst á Gaulverjabæjarvegi við Bár. Í hvora áttina verður hlaupið fer eftir því hvort hagstæðara er með tilliti til vindáttar.

Forskráning er á hlaup.is og lýkur 30. apríl kl. 21:00. Skráning og afhending keppnisnúmera er í Intersporti Selfossi frá kl. 14-16 þann 30. apríl. Keppnisnúmer verður einnig hægt að nálgast á hlaupadegi frá kl. 11:00 á sama stað. Þátttökugjald er kr. 3.000 fyrir 16 ára og eldri en kr. 1.000 fyrir 15 ára og yngri. Greitt með seðlum enginn posi á staðnum. Rúta flytur keppendur að eða frá rásmarki, brottför er frá Intersport kl. 12:20. Keppendur fá frían aðgang í Sundhöll Selfoss eftir hlaup.

Aldursskipting hjá konum og körlum;

5 km
15 ára og yngri
16 og eldri ára

10 km
39 ára og yngri
40-49 ára
50-59 ára
60 ára og eldri

Verðlaun verða fyrir fyrsta keppenda í hverjum flokki. Vegleg sérverðlaun frá Intersporti verða fyrir fyrsta karl og fyrstu konu í hvorri vegalengd. Jafnframt verða útdráttarverðlaun. Tilvalið hlaup til að bæta sig í 10 km eða 5 km hlaupi. Nánari upplýsingar veitir Magnús í síma 840 6320.