Arna Kristín til liðs við Selfoss

Arna_Kristín

Arna Kristín Einarsdóttir hefur skrifað undir eins árs samning við handknattleiksdeild Selfoss.

Arna Kristín kemur til liðs við Selfoss frá KA/Þór þar sem hún hefur spilað síðustu ár. Hún hóf sinn handboltaferil hjá ÍR en hefur spilað fyrir KA/Þór frá 10 ára aldri, hún spilaði sinn fyrsta meistaraflokksleik haustið 2014.

Arna Kristín er öflugur hornamaður sem skoraði 119 mörk í 25 leikjum á síðasta tímabili. Hún hefur verið kölluð til æfinga með yngri landsliðum Íslands á undanförnum árum.

Handknattleiksdeild Selfoss býður Örnu Krístínu hjartanlega velkomna á Selfoss og lýsir yfir mikilli ánægju með þennan mikla feng fyrir Selfoss.

Á mynd: Magnús Matthíasson formaður handknattleiksdeildar Selfoss og Arna Kristín