Hópfimleikar keppnishópar

Keppnishópar í hópfimleikum

Keppnishóparnir eru ætlaðir iðkendum sem hafa náð góðum grunni í fimleikum og vilja taka næsta skref í íþróttinni. Þar er lögð áhersla á markvissa þjálfun þar sem unnið er að því að efla tækni, styrk, liðleika, samhæfingu og liðsheild ásamt því að byggja upp sjálfstraust og keppnisreynslu.

Iðkendur hefja almennt þátttöku í keppnum á vegum Fimleikasambands Íslands þegar þeir eru 8–9 ára og keppa þá í 5. flokki. Með aukinni reynslu og færni færa þeir sig upp á milli flokka eftir aldri og þroska.

Keppnisflokkar í hópfimleikum eru:

• 5. flokkur – 8–9 ára

• 4. flokkur – 10–11 ára

• 3. flokkur – 12–13 ára

• 2. flokkur – 14–15 ára

• 1. flokkur – 13–17 ára

• Meistaraflokkur – 17 ára og eldri

Í keppnishópunum læra iðkendur að setja sér markmið, vinna sem hluti af liði og takast á við áskoranir bæði á æfingum og í keppni. Mikil áhersla er lögð á jákvæða liðsheild, góða íþróttamennsku og að iðkendur njóti þess að æfa og keppa saman.

Keppnishópar taka þátt í mótum á vegum Fimleikasambands Íslands yfir veturinn og fá þannig tækifæri til að sýna framfarir sínar, upplifa keppnisumhverfið og skapa eftirminnilegar minningar með liðsfélögum sínum.

Iðkendur mæta í viðeigandi æfingafatnaði og með sítt hár bundið frá andliti. Skráning er nauðsynleg og val í hópa fer fram í samráði við þjálfara þegar við á.