Huppumótið í hópfimleikum

4. flokkur á Huppumótinu í Hópfimleikum

Sunnudaginn 15. mars fór fram Huppumótið okkar í hópfimleikum.

Við vorum að halda þetta mót í annað skiptið og tóku nú 35 lið þátt og fór mótið fram í 3 hlutum.

Á mótinu er ekki um eiginlega keppni að ræða heldur eru liðin að æfa sig í þeim reglum sem þau keppa eftir, fá reynslu í að koma fram og keppa og fá umsögn á hverju áhaldi. Öll lið fá verðlaun fyrir sitt besta áhald og Ísbúð Huppu gefur öllum gjafabréf.

Mótið var mjög skemmtilegt, það var líf og fjör í húsinu og gekk vel. 
Huppa mætti á svæðið og studdi keppendur, fékk knús frá þeim mörgum og stillti sér upp á mynd með liðunum, auk þess sem hún hjálpaði til við verðlaunaafhendinguna.

Við þökkum öllum liðum fyrir komuna og hlökkum til að sjá ykkur á næsta ári!

Við þökkum Ísbúð Huppu fyrir samstarfið á Huppumótinu <3