Ráðstefna um fjölda iðkenda í yngstu flokkum kvenna

ksi-merki

Laugardaginn 3. maí mun KSÍ standa fyrir ráðstefnu sem haldin verður í höfuðstöðvum KSÍ í Laugardalnum. Ráðstefnan er frá kl. 11.00 - 14.00 og er hún öllum opin.

Markmið ráðstefnunnar er að gefa aðildarfélögum KSÍ hugmyndir um hvernig hægt sé að fjölga iðkendum í yngstu kvennaflokkunum.

Fyrirlesarar verða:

• Arnar Bill Gunnarsson, fræðslustjóri KSÍ, mun fjalla um stöðuna eins og hún er í dag í þjálfun og fjölda iðkenda.

• Fulltrúi frá Fram mun koma og kynna samstarfsverkefni félagsins við leikskóla í hverfum Framara.

• Fulltrúi frá Grindavík mun segja frá reynslu knattspyrnudeildarinnar af því að börn í Grindarvíkurbæ greiða eitt æfingagjald en geta æft allar íþróttir sem boðið er uppá í bænum.

• Fulltrúi frá Breiðabliki kemur og greinir frá því hver galdurinn er á bak við að hafa 70 stúlkur í 8. flokki kvenna og kemur með hugmyndir af æfingum og viðburðum fyrir flokkinn.

Fulltrúar barna- og unglingaráða eru sérstaklega hvattir til að mæta ásamt þjálfurum félaganna.
Skráning er hafin en hægt er að skrá sig með því að senda tölvupóst á dagur@ksi.is eða með því að hringja í síma 510-2977.

Stefnt er að því að senda ráðstefnuna beint út á netinu.