Góður árangur á bikar 15 ára og yngri
Bikarkeppni FRÍ 15 ára og yngri fór fram á ÍR vellinum í Reykjavík laugardaginn 11.júlí sl.
Að þessu sinni tók lið HSK Selfoss höndum saman með liði Hrafnaflóka og sendu eitt stúlknalið og tvö strákalið.
Góður árangur náðist á mótinu og lenti liðið í öðru sæti í heildarstigakeppninni með 89 stig en lið ÍR fór með sigur af hólmi í þetta skiptið með 116 stig.
Magnea Furuhjelm Magnúsdóttir sigraði í langstökki með stökki upp á 5,14m. Hún sigraði einnig í 80m grindarhlaupi á tímanum 12,82sek.
Filippía Brynjarsdóttir varð þriðja í kringlukasti með kast upp á 18,70m.
Birkir Aron Ársælsson sigraði spjótkast með kasti upp á 44,55m og Kristján Karl Gunnarsson varð annar með kasti upp á 39,76m. Kast Birkis tryggði honum sæti í landsliðshópi unglinga.
Magnús Tryggvi Birgisson vann kringlukast með kasti upp á 38,58m og hann varð þriðji í langstökki með stökk upp á 5,2m.
Ásta Kristín Ólafsdóttir sigraði spjótkast með kasti upp á 44,44m og hún varð þriðja í kúluvarpi með kasti upp á 9,65m.