Þrefaldur sigur Selfyssinga í 85 cc

Mótokross - Unglingaflokkur Ármann, Ólafur og Sigurður

Fyrsta umferð Íslandsmótsins í mótokross fór fram á Akranesi þann 29. júní. Eftir langt þurrkatímabil rigndi þrjá daga fyrir keppni og varð því mikil drulla í brautinni og hún mjög erfið yfirferðar.

Selfoss átti fjölmarga keppendur í mótinu og komust flestir þeirra á pall. Þess má geta að í unglingaflokki <17 vann Selfoss þrefaldan sigur. Ólafur Magni Jónsson varð í fyrsta sæti, Sigurður S. Ásberg Sigurjónsson í öðru sæti og Ármann Baldur Bragason í þriðja sæti.

Bergrós Björnsdóttir sigraði í 85 cc yngri og jafnframt í kvennaflokki. Alexander Adam varð í öðru sæti og Eric Máni Guðmundsson í þriðja sæti í 85 cc eldri. Þá varð Bjarki Breiðfjörð Björnsson í þriðja sæti í unglingaflokki.

Við hrikalega stolt af árangri allra þeirra sem tóku þátt. Önnur umferð Íslandsmótsins fer fram á Akureyri 13. júlí.

rb/gj

---

Mynd með frétt: Þrefaldur sigur í unglingaflokki <17 f.v. Ármann Baldur, Ólafur Magni og Sigurður Ásberg.

85 cc yngri Bergrós á efsta þrepi.

85 cc Eric Máni t.v. og Alexander Adam t.h.

Unglingaflokkur Bjarki lengst t.v.

Ljósmyndir frá foreldrum Umf. Selfoss