Joe Tillen semur aftur við Selfoss

Joe Tillen
Joe Tillen

Knattspyrnudeild Selfoss hefur samið við Joe Tillen og mun hann ganga aftur til liðs við þá vínrauðu og leika með liðinu í 1. deildinni á næsta ári.

Joe gekk í raðir Selfoss frá Fram árið 2011 og fór með liðinu upp úr 1. deildinni það árið. Hann fékk hins vegar fá tækifæri með Selfyssingum í Pepsi-deildinni árið 2012 og spilaði aðeins átta leiki með liðinu áður en hann samdi um samningsslit.

Þá gekk hann í raðir Vals um mitt sumar og lék tvo leiki með félaginu í Pepsi-deildinni. Valsmenn framlengdu ekki samninginn við Joe í lok tímabils og hefur hann verið án félags frá síðustu áramótum. Joe hefur verið í Englandi síðustu mánuði en mun flytja á Selfoss eftir áramót.

Joe hefur leikið 30 leiki fyrir Selfoss í deild og bikar og skorað í þeim fjögur mörk.

Greint var frá þessu á Sunnlenska.is.

Mynd: Sunnlenska.is/Vignir Egill Vignisson