Selfoss með 11 gull, 10 silfur og 10 brons á 3. bikarmóti TSÍ

Á 3. og síðasta bikarmóti í TKÍ bikarmótaröðinni 2011-2012, sem fór fram 21.-22. apríl sl., sendi Selfoss 37 keppendur til leiks. Er skemmst frá því að segja að af þessum 37 keppendum fóru 31 á pall. Allir keppendur stóðu sig með stakri prýði og voru félagi sínu til mikils sóma. Selfoss átti keppendur í flestum þyngdar-, belta- og aldursflokkum og komust þeir á pall í nánast öllum flokkum. Daníel Jens Pétursson, yfirþjálfari deildarinnar keppti í seniorflokki -80 kg og sigraði með yfirburðum, hlaut 16 stig gegn 5 og 15 gegn 8 stigum. Hlaut hann bikar að launum fyrir mestan mun stiga í seniorflokki. Daníel Jens er að margra mati einn besti taekwondomaður á Íslandi. Daníel Bergur Ragnarsson sigraði sinn þyngdarflokk og fékk bik-ar sem stigahæsti keppandi mótsins í juniorflokki. Í formi hlaut Guðrún Halldóra Vilmundardótti gull í sínum þyngdarflokki. Nánari úrslit má sjá á heimasíðu umfs.is/taekwondo.

Gríðarlegur uppgangur hefur verið í taekwondoíþróttinni á Selfossi síðustu misseri eins og sést á árangri deildarinnar á mótum. Deildin er jafnframt orðin ein af stærstu deildum landsins.