Fréttir

Lokahóf handknattleiksdeildarinnar fór fram síðastliðinn laugardag í hátíðarsal Hótel Selfoss. Hófið fór vel fram og var góð mæting.

Selfoss urðu í gær Íslandsmeistarar Olísdeildar karla árið 2019, í fyrsta skipti í sögu félagsins!Leikurinn endaði með 10 marka sigri Selfoss, 35-25.

Selfyssingar unnu ótrúlegan sigur á Haukum í Schenker höllinni á Ásvöllum í kvöld í framlengdum leik, 30-32.  Þetta var þriðji leikur liðanna í úrslitaeinvíginu um Íslandsmeistaratitilinn í handbolta og staðan því orðin 2-1 fyrir Selfoss.Liðin skiptust á að halda forustu fyrstu mínútur leiksins.  Um miðbik hálfleiksins tóku Haukar frumkvæðið og náðu þriggja marka forskoti, Patrekur tók leikhlé og stöðvaði blæðinguna og endaði hálfleikurinn 15-14.Haukarnir héldu frumkvæðinu áfram þó munurinn væri áfram lítill.  Þegar um 20 mínútur voru eftir af leiknum gerðu tóku Haukar svo afgerandi forystu, þegar 8 mínútur voru eftir var munurinn kominn upp í 5 mörk, 26-21.  Þá settu Selfyssingar í lás í vörninni og Sölvi negldi fyrir markið, Selfoss náði að jafna leikinn og það var staðan þegar vejulegur leiktími rann út og því framlengt.Í framlengingu skiptust liðin á að gera mistök, enda bæði lið að spila hrikalega sterka vörn.  Selfoss náðu þó að skora fyrsta og síðasta mark fyrri hálfleiks framlengingar og leiddu með einu marki.  Í síðari hálfleik voru Selfyssingar sterkari og lönduðu góðum sigri, 30-32.Mörk Selfoss: Atli Ævar Ingólfsson 10/1, Elvar Örn Jónsson 6, Hergeir Grímsson 5, Haukur Þrastarson 4, Árni Steinn Steinþórsson 2, Guðjón Baldur Ómarsson 2, Nökkvi Dan Elliðason 1, Guðni Ingvarsson 1 og Alexander Már Egan 1.Varin skot: Sölvi Ólafsson 14 (54%), Pawel Kiepulski 7 (29%).Nánar er fjallað um leikinn á , og .Leikur 4 fer fram í Hleðsluhöllinni á miðvikudag kl 19:30.  Það er ljóst að með sigri munu Selfyssingar lyfta Íslandsmeistaratitlinum í fyrsta skiptið, vinni Haukar verður oddaleikur á Ásvöllum á föstudagskvöldið.  Við hvetjum að sjálfsögðu alla til að mæta í vínrauðu í Hleðsluhöllina og láta í sér heyra.

Selfoss tapaði naumlega gegn Haukum í leik tvö í einvíginu um Íslandsmeistaratitilinn í handbolta í Hleðsluhöllinni í kvöld, 26-27.

Örn Þrastarson mun halda áfram sem þjálfari meistaraflokks kvenna í handknattleik, en hann endurnýjaði samning sinn við handknattleiksdeild Selfoss á dögunum.   Örn hefur verið viðloðandi handboltann á Selfossi alla sína tíð og hefur verið aðalþjálfari meistaraflokks kvenna undanfarin tvö ár, en liðið náði ekki að halda sæti sínu í Olísdeildinni á næsta ári.

Selfoss vann fyrsta leik sinn gegn Haukum í Schenkerhöllinni í úrslitaeinvíginu og er því komið 1-0 yfir. Leikurinn endaði 22-27 Selfoss í vil.Haukar höfðu frumkvæðið á upphafsmínútunum en um miðjan fyrri hálfleikinn náðu Selfyssingar frábærum 1-6 kafla þar sem þeir breyttu stöðunni úr 5-3 í 6-8.

Það er ljóst að Selfyssingar munu keppa við Hauka um Íslandsmeistaratitilinn eftir að Haukar unnu ÍBV í oddaleik á laugardaginn. Haukarnir enduðu í fyrsta sæti í deildinni og eiga því heimavallaréttinn í einvíginu.

Um helgina fór fram 6.flokks mót á Akureyri. Þar vann 6. flokkur kvenna eldri alla sína leiki og eru þar með komnar í efstu deild. Aldeilis flottur árangur hjá stelpunum fyrir norðan.Áfram Selfoss!.

Eins og áður hefur komið fram var handknattleiksdeildar Selfoss í lok apríl. Féll fyrsti vinningur, folatollur frá Auðsholtshjáleigu, í skaut Þóreyjar Jónasdóttur frá Haukadal.Fjöldi vinninga er ósóttur en hægt er að vitja vinninga á skrifstofu félagsins í Tíbrá á skrifstofutíma.Það var Alexander Már Egan sem afhenti Þóreyju vinninginn í Hleðsluhöllinni. Ljósmynd: Umf.

Selfoss mætti Valsmönnum í þriðja leik liðanna í undanúrslitum Íslandsmótsins í troðfullri Hleðsluhöll í kvöld.  Leiknum lauk með sigri Selfoss, 31-32.  Einvíginu er því lokið með 3-0 sigri Selfyssinga og strákarnir eru komnir í úrslit Íslandsmótsins í fyrsta sinn síðan 1992!Fyrri hálfleikur fór af stað með fullri ferð eins og hinir leikrnir í þessari seríu.  Liðin skiptust á að halda forystunni en munurinn aldrei meiri en tvö mörk og jafnt á flestum tölum.  Þegar nokkrar mínútur voru eftir af hálfleiknum þá tóku Selfyssingar áhlaup á Valsara sem misstu einbeitinguna, staðan í hálfleik 17-14.Síðari hálfleikur byrjar í jafnvægi, Selfyssingar héldu forskotinu í 2-3 mörkum þar til 10 mínútur voru eftir af leiknum.  Þá stigu heimamenn á bensíngjöfina og komu forystunni upp í 5 mörk.  Valsmenn virtust missa trúna á sigri í þessum leik á sama tíma.  Það breytti því þó ekki að Valsmenn skoruðu 3 mörk í röð og minnkuðu muninn í 28-26 og hefðu getað bætt við einu marki í viðbót.  Það var of lítið og of seint og Selfyssingar lokuðu þessum leik með nokkuð traustvekjandi hætti.Mörk Selfoss: Elvar Örn Jónsson 6/3, Hergeir Grímsson 5, Árni Steinn Steinþórsson 4, Haukur Þrastarson 4, Nökkvi Dan Elliðason 3, Guðni Ingvarsson 3, Atli Ævar Ingólfsson 2, Alexander Már Egan 1.Varin skot: Pawel Kiepulski 8 (32%), Sölvi Ólafsson 1 (10%).Nánar er fjallað um leikinn á  og  og .Eins og áður segir, þá eru strákarnir komnir í úrslit Íslandsmótsins.  Þar mun Selfoss mæta sigurvegurum í einvígi Hauka og ÍBV, staðan í því einvígi er 2-1 fyrir Haukum.