Fréttir

Selfoss mætti Valsmönnum í öðrum leik liðanna í undanúrslitum íslandsmótsins á Hlíðarenda í kvöld.  Fjórði leikur Selfyssinga í úrslitakeppninni og fjórði eins marks sigurinn, 31-32.Leikurinn byrjaði á miklum hraða, mikið skorað markverðirnar að verja vel og Valur náði frumkvæðinu.  Selfoss vann sig inn í leikinn og við það minnkaði hraðinn og Selfyssingar náðu frumkvæðinu í leik sem þó hélt áfram að vera jafn.  Selfyssingar leiddu með einu marki í hálfleik, 15-16.Í síðari hálfleik hélt Selfoss áfram að halda forustunni og bættu heldur í.  Værð kom yfir menn þegar Selfoss gátu aukið forskot sitt í 4 mörk og Valur breytti stöðunni úr 15-18 yfir í 19-18.  Patrekur tók leikhlé og skerpti á sínum mönnum sem komust aftur á rétta braut og sigldu heim eins marks sigri í leik þar sem munurinn varð aldrei aftur yfir 2 mörk.  Lokastaðan 31-32. Mörk Selfoss: Elvar Örn Jónsson 8/2, Haukur Þrastarson 6, Hergeir Grímsson 6, Árni Steinn Steinþórsson 5, Alexander Már Egan 4, Guðni Ingvarsson 2, Atli Ævar Ingólfsson 1.Varin skot: Sölvi Ólafsson 13 (30%).Nánar er fjallað um leikinn á  og  og .Leikur þrjú fer fram í Hleðsluhöllinni á mánudagskvöld kl 19:30.

Selfoss vann Val í framlengdum leik í Hleðsluhöllinni í gær, 35-34, en leikurinn var fyrsti leikur liðanna í undanúrslitum Íslandsmóts Olísdeildar karla.Leikurinn byrjaði með miklum hraða en allt var í járnum.  Valur náði frumkvæðinu um miðbik hálfleiksins áður en Selfyssingar náðu svo að jafna leikinn aftur, staðan 17-17 í hálfleik.Í síðari hálfleik voru liðin aðeins mistækari, en boltinn datt meira fyrir Val í byrjun.  Rúmar 8 mínútur voru liðnar af hálfleiknum þegar fyrsta markið kom hjá Selfyssingum og aftur náðu Valsmenn forustunni, 4 mörk þegar mest var.  Selfoss vann sig hins vegar aftur inn í leikinn og jöfnuðu þegar um 8 mínútur voru eftir af síðari hálfleik.  Við tóku spennandi lokamínútur sem enduðu með því að Selfoss náði að knýja fram framlengingu.Í framlenginunni fóru Selfyssingar af stað af miklum krafti og skoruðu þrjú fyrstu mörkin.  Valsmenn náðu að saxa á þessa forustu, en höfðu það ekki af að klára hana.  Eins marks sigur í einum af mest spennandi leikjum tímabilsins staðreynd.Mörk Selfoss: Haukur Þrastarson 13, Elvar Örn Jónsson 5/2, Nökkvi Dan Elliðason 5/1, Árni Steinn Steinþórsson 5, Guðni Ingvarsson 4, Hergeir Grímsson 2, Guðjón Baldur Ómarsson 1.Varin skot: Sölvi Ólafsson 10 (33%), Pawer Kiepulski 4 (22%).Nánar er fjallað um leikinn á  og  og .Leikur tvö fer fram í Origo höllinni á Hlíðarenda á föstudagskvöldið kl 20:00.  Vinna þarf þrjá leiki í undanúrslitum til þess að komast áfram í úrslitarimmuna.  Það er því ljóst að það verður hið minnsta einn leikur enn í Hleðsluhöllinni sem fram fer á mánudagskvöld kl.

Dagana 25.-28. apríl fór fram fjölmennasta íþróttamót á Suðurlandi og stærsta handboltamót á Íslandi þetta árið þegar Bónusmótið í handbolta fór fram á Selfossi. Mótið er nú haldið í tólfta skipti og voru keppendur tæplega 1400 krakkar á aldrinum 8-10 ára.

Dregið var í Vorhappdrætti handknattleiksdeildar í gær í vitna viðurvist. Vinningarnir eru stórglæsilegir að þessu sinni og heildarverðmæti þeirra eru 1.149.411 krónur!Hægt verður að vitja vinninga á skrifstofu Ungmennafélgsins í Tíbrá strax eftir helgi!.

Um helgina fer fram Bónusmótið í handbolta, en það er stærsta handboltamót á Íslandi. Mótið er fyrir iðkendur 7. flokks og eru þátttakendur um 850 á því.

Ómar Vignir Helgason var tekinn inn í Heiðurshöll Selfoss í hálfleik í leik Selfoss og ÍR á laugardaginn s.l. Til að komast inn í Heiðurshöll Selfoss þarf að hafa leikið með félaginu í 10 ár.

Selfoss er komið áfram í undanúrslit Íslandsmótsins eftir dramatískan eins marks sigur á ÍR í Austurbergi í kvöld, 28-29. Selfoss vann því einvígið samtals 2-0 og mætir Val í undanúrslitum.Selfoss byrjaði betur og komst 0-1 yfir, ÍR-ingar tóku síðan við og leiddu leikinn fram að 55.

Selfoss vann ÍR 27-26 í fyrsta leik í 8-liða úrslitum Íslandsmóts karla í Hleðsluhöllinni í gær.Leikurinn var jafn framan af en Selfoss náði fjögurra marka forskoti undir lok fyrri hálfleiks, staðan í hálfleik var 15-13.

Hafin er sala miða í vorhappadrætti handknattleiksdeildar Selfoss. Vinningar eru af fáheyrðum gæðum og heildaverðmæti rúm ein milljón króna.Um er að ræða eina stærstu fjáröflun deildarinnar og því hvetjum við alla til að taka vel á móti iðkendum sem verða á ferðinni í net- og raunheimum næstu tvær vikur.

Það voru öflugir Selfyssingar sem æfðu með U-15 ára landsliði karla og kvenna um síðustu helgi í Kórnum. Það voru þeir Daníel Þór Reynisson, Sæþór Atlason, Hans Jörgen Ólafsson og Einar Gunnar Gunnlaugsson sem æfðu með U-15 ára landsliði karla og Tinna Sigurrós Traustadóttir sem æfði með U-15 ára landsliði kvenna. Einar Guðmundsson er þjálfari liðanna.Mynd: Daníel Þór Reynisson, Sæþór Atlason, Tinna Sigurrós Traustadóttir, Hans Jörgen Ólafsson og Einar Gunnar Gunnlaugsson.