Fréttir

Sigurgangan endaði í Safamýrinni

Strákarnir töpuðu í hörku leik fyrir Fram í Olísdeildinni í Safamýri í kvöld, 27-25.Frá fyrstu mínútu var ljóst að mikil barátta yrði um stigin tvö og stóðu bæði lið vörnina mjög vel.  Jafnt var á öllum tölum þar til Selfoss dró sig aðeins fram úr og voru fyrri til að ná tveggja marka forystu, 4-6 á þrettándu mínútu.  Fram svaraði strax og áfram var jafnt á öllum tölum fram í hálfleik þar sem staðan var 12-12.  Seinni hálfleikur spilaðist svipað af stað, jafnræði með liðum og Selfyssingar náðu frumkvæðinu og Fram svaraði með áhlaupi.  Að þessu sinni sigldu heimamenn fram úr Selfyssingum og héldu frumkvæðinu út þennan spennuleik þar sem munurinn var aldrei meiri en tvö mörk.  Lokatölur 27-25.Mörk Selfoss: Atli Ævar Ingólfsson 5, Sveinn Aron Sveinsson 5/2, Einar Sverrisson 4, Ragnar Jóhannsson 3, Tryggvi Þórisson 3, Guðmundur Hólmar Helgason 3, Hergeir Grímsson 1, Nökkvi Dan Elliðason 1.Varin skot: Vilius Rasimas 11 (29%).Næsti leikur hjá strákunum er á föstudaginn kl.

Stórt tap gegn ÍR í Hleðsluhöllinni

Stelpurnar töpuðu stórt gegn ÍR-ingum þegar liðin mættust í Grill 66 deild kvenna í Hleðsluhöllinni í dag.Leikurinn var jafn fyrstu mínútur leiksins og var staðan 4-4 eftir um átta mínútna leik.

Fagmannlega klárað í Breiðholtinu

Meistaraflokkur karla mætti ÍR í Austurbergi í kvöld, leikurinn endaði með öruggum sigri Selfyssinga 18-28.Strax í upphafi var ljóst að Selfyssingar ætluðu sér að klára þetta verkefni af miklum krafti og skoruðu þeir fyrstu fjögur mörkin.  Eftir það stimpluðu ÍR-ingar sig betur inn í leikinn og fundu einhver svör við sterkri fimm einn vörn gestanna.  Þannig héldu Breiðhyltingar sér inni í leiknum fyrsta korterið heim að stöðunni 5-8.  Eftir það hlupu Selfyssingar hraðar og kláruðu fyrri hálfleik nokkuð örugglega, hálfleikstölur 7-14.  Selfyssingar héldu uppteknum hætti í upphafi síðari hálfleiks og voru komnir í 11 marka forystu eftir sjö mínútur, 8-19.  Þá komst meira jafnvægi á leikinn, enda úrslitin nánast ráðin.  Selfyssingar rúlluðu mjög vel á mannskapnum rétt eins og ÍR-ingar.  Heimamenn náðu að klóra lítillega í bakkann á þessum síðustu 20 mínútum, en að endingu var öruggur sigur Selfyssinga í höfn, lokatölur 18-28.Mörk Selfoss: Sveinn Aron Sveinsson 7, Ragnar Jóhannsson 5, Hergeir Grímsson 4, Atli Ævar Ingólfsson 4, Einar Sverrisson 3, Nökkvi Dan Elliðason 2, Hannes Höskuldsson 1, Tryggvi Þórisson 1, Arnór Logi Hákonarson 1.Varin skot: Vilius Rasimas 15/1 (50%), Alexander Hrafnkelsson 4/2 (57%).Næsti leikur hjá strákunum er á sunnudaginn, en þá fara þeir í Safamýrina og mæta strákunum hans Basta í Fram.  Sá leikur hefst kl.

Tap á Hlíðarenda

Meistaraflokkur kvennahéldu vegferð sinni í Grill 66 deildinni áfram í Origo höllinni í kvöld.  Þar töpuðu þær fyrir sterku liði Val U, 26-17.Valsstúlkur byrjuðu leikinn af miklum krafti og áttu Selfyssingar í töluverðum vandræðum í sókninni.  Valur gekk á lagið og náði hægt og bítandi að byggja upp níu marka forystu, staðan 12-3 eftir tuttugu mínútur.  Eftir það komst meira jafnvægi á leikinn og skoruð bæði lið fjögur mörk fram að hálfleik þar sem staðan var 16-7.  Selfyssingar virtust vera búnar að ná mesta skrekknum úr sér í síðari hálfleik og gekk bæði vörn og sókn betur.  Selfyssingar náðu að minnka forystu Valsstúlkna aðeins án þess þó að ógna þeim að ráði.  Í lokin dró aftur í sundur á milli liðanna og endaði leikurinn með sama mun og í hálfleik, lokatölur 26-17.Mörk Selfoss: Agnes Sigurðardóttir 5, Ivana Raičković 3, Sólveig Ása Brynjarsdóttir 3, Rakel Guðjónsdóttir 2, Ragnheiður Grímsdóttir 1, Elínborg Katla Þorbjörnsdóttir 1, Þrúður Sóley Guðnadóttir 1, Katla Björg Ómarsdóttir 1.Varin skot: Áslaug Ýr Bragadóttir  5 (23%), Lena Ósk Jónsdóttir 3 (23%)Þetta er búið að vera erfitt hjá stelpunum sem eru í leit að jafnvægi eftir meiðslahrinu.  Næsti leikur liðs Selfoss er gegn ÍR í Hleðsluhöllinni á Sunnudag kl.

Fjórtán valdir í yngri landslið

Alls hafa 14 Selfyssingar verið valdir í yngri landslið Íslands nú í byrjun árs. Þjálfarar  U-21, U-19 og U-17 ára landslið karla og U-19 og U-17 ára landslið kvenna völdu æfingahópa fyrir komandi verkefni í vor og sumar.

Skin og skúrir á handboltasunnudegi

Meistaraflokkar kvenna og karla voru báðir í eldlínunni í dag í Hleðsluhöllinni. Stelpurnar töpuðu fyrir Aftureldingu í fjörugum leik í Grill 66 deild kvenna og strákarnir sigruðu Þórsara örugglega í Olísdeild karla. Stelpurnar mætti Aftureldingu í 6.

Sex marka sigur í Origohöllinni

Meistaraflokkur karla gerði góða ferð í höfuðstaðinn og sigraði Val í Origohöllinni í sínum fyrsta leik á nýju ári, 24-30.Selfyssingar byrjuðu af miklum krafti og leiddu með þremur mörkum eftir um fimmtán mínútna leik.

Tap gegn Gróttu

Stelpurnar töpuðu með sjö mörkum á Selttjarnarnesi á laugardaginn s.l. þar sem þær mættu Gróttu í fimmtu umferð Grill 66 deild kvenna, lokatölur 35-28.Grótta komst í 7-3 í upphafi leiks en Selfoss náði að minnka muninn í 10-8 um miðjan fyrri hálfleikinn.

U-liðið undir í baráttunni úti á Nesi

Á miðvikudaginn léku strákarnir í Selfoss U gegn Kríu úti á Seltjarnarnesi.  Þessi Grill 66 deildarslagur tapaðist nokkuð sannfærandi, 30-24.Strax í byrjun leiks var ljóst hvort liðið var mætt með baráttuna með sér í leikinn, þar voru Kríumenn ofan á stærstan hluta leiksins.  Það skilaði sér í því að Selfyssingar átti í vandræðum með að skora og staðan eftir tæpar 12 mínútur 8-3.  Þar með voru heimamenn búnir að byggja upp forystu sem þeir áttu byggja á fram að hálfleik þar sem staðan var 18-11.  Í seinni hálfleik héldu menn svo áfram þaðan sem frá var horfið þar til Kría var komin í 10 marka forystu þegar 10 mínútur voru liðnar, 23-13.  Sá munur hélst lítið breyttur þar til tæpar 5 mínútur voru eftir og Selfyssingar komu með áhlaup.  Það var einfaldlega of seint og úrslitin í raun ráðin, lokastaðan 30-24Mörk Selfoss: Hannes Höskuldsson 5, Arnór Logi Hákonarson 3, Sölvi Svavarsson 2, Sæþór Atlason 2, Gunnar Flosi Grétarsson 3, Guðjón Baldur Ómarsson 2, Andri Dagur Ófeigsson 2, Hans Jörgen Ólafsson 2, Elvar Elí Hallgrímsson 2, Tryggvi Sigurberg Traustason 1, Haukur Páll Hallgrímsson 1.Varin skot: Alexander Hrafnkelsson 7 (28%), Hermann Guðmundsson 5 (62%) og Sölvi Ólafsson 3 (25%).Erfiður dagur á skrifstofunni hjá strákunum sem mættu fullvöxnum karlmönnum í þessum leik.  Þeirra barátta heldur áfram á fullum krafti og strax á Sunnudag mæta Ísfirðingarnir í Herði á Suðurlandið, en sá leikur fer fram í Hleðsluhöllinni kl.

Tap í jöfnum leik í Víkinni

Stelpurnar okkar töpuðu í jöfnum og spennandi leik í Víkinni í dag, 28-26.  Þetta var fjórði leikur liðsins í Grill 66 deildinni í vetur.Selfyssingar byrjuðu leikinn af miklum krafti og léku eins og þær sem valdið höfðu, eftir rúmar tíu mínútur var staðan orðin 1-7.  Þá fékk Tinna þungt högg í andlitið og kom ekki meira við sögu í leiknum.  Það reyndust vera kaflaskil í leiknum og öðrum tíu mínútum síðar var staðan orðin 6-8 og leikurinn orðinn nokkuð jafn og hélst þannig fram að hálfleik þar sem staðan var 13-14.  Í seinni hálfleik var leikurinn áfram í járnum, stutt á milli þar til um tíu mínútur voru eftir af leiknum, en þá tóku Víkingar áhlaup og komust fjórum mörkum yfir, 26-22.  Það var munur sem Selfyssingar náðu ekki að brúa þrátt fyrir að leggja töluvert í það, lokatölur 28-26Mörk Selfoss: Lara Zidek 9, Elínborg Katla Þorbjörnsdóttir 8, Agnes Sigurðardóttir 3, Tinna Sigurrós Traustadóttir 2, Elín Krista Sigurðardóttir 2, Ivana Raikovic 1, Kristín Una Hólmarsdóttir 1.Varin skot: Lena Ósk Jónsdóttir 11 (29%) og Áslaug Ýr Bragadóttir 3 (75%).Nú hafa stelpurnar tapað þremur af fjórum leikjum sínum í Grill 66 deildinni og sitja í neðsta sæti deildarinnar með tvö stig.  Næsti leikur þeirra er á laugardaginn kl.