Um deildina

Borðtennisæfingar hófust á Selfossi nokkrum vikum fyrir COVID fyrir tilstuðlan áhugasamra nemenda
í Sunnulækjarskóla. Æfingar voru lengst af haldnar í matsalnum í Sunnulækjarskóla en nú eru æfingar
í Íþróttahúsinu í Vallaskóla og er spilað á allt að 9 borðtennisborðum í einu.

Borðtennismót eru haldin að jafnaði tvisvar til þrisvar í mánuði yfir vetrartímann, í Reykjavík,
Hvolsvelli, Laugalandi og víðar. Þar geta allir fundið eitthvað við sitt hæfi. Margir iðkendur frá
Selfossi hafa sótt þessi mót og náð góðum árangri og skemmt sér vel. Borðtennisdeild Selfoss hélt
borðtennismót á Unglingalandsmótinu 2022 sem haldið var á Selfossi þar sem um 50 iðkendur
kepptu.

Borðtennisæfingar eru skipulagðar á þann hátt að í byrjun er upphitun í 3-5 mínútur. Síðan eru
teknar fyrir mismunandi tækniæfingar í um 30 mínútur og seinustu 20 mínúturnar er svo spilað við
andstæðinga. Fyrir byrjendur er lögð áhersla á léttari æfingar og oft frjálsan leik hluta af æfingunni.
Velkomið er að koma í prufutíma í borðtennis. Við erum með lánsspaða og nóg af kúlum