Brúarhlaup Selfoss
Næsta Brúarhlaup fer fram 8. ágúst 2026.
Hið árlega Brúarhlaup á Selfossi er fjölskylduvænn hlaupa- og hjólaviðburður sem hentar jafnt byrjendum sem keppnisfólki. Allar hlaupaleiðir eru löggiltar og mældar upp af viðurkenndum aðila og flögutímataka er í öllum hlaupavegalengdum. 5 km og 10 km hlaupin eru viðurkennd og vottuð af Frjálsíþróttasambandi Íslands.
Vegalengdir í boði:
- 800 m Sprotahlaup (börn 8 ára og yngri)
- 5 km hjólreiðar
- 3 km skemmtiskokk
- 5 km hlaup
- 10 km hlaup
Skráning:
Afhending keppnisgagna:
Keppnisnúmer og bolir verða afhent í útibúi Landsbankans á Selfossi (Austurvegi 20) frá kl. 09:00 til 11:45 á hlaupadegi. Hægt er að sækja númer fram að hverju hlaupi fyrir sig en við mælum með að vera tímalega í því. Einnig verður hægt að ganga frá greiðslu og skráningu í Sprotahlaupið í Sigtúnsgarðinum frá klukkan 11 fram að hlaupi.
Ræsingar:
11:00 – 5 km hjólreiðar (við Árveg)
11:30 – 10 km hlaup (við Árveg)
11:30 – 3 km skemmtiskokk (í Miðbæjargarðinum)
12:00 – 5 km hlaup (við Árveg)
12:30 – 800 m Sprotahlaup (í Miðbæjargarðinum)
Rásmark 10 km hlaups, 5 km hlaups og hjólreiða er við Árveg á Selfossi. Rásmark 3 km skemmtiskokks og Sprotahlaups er í Miðbæjargarðinum. Allar vegalengdir enda í Sigtúnsgarðinum í miðbæ Selfoss.
Verðlaun:
Veittir verða verðlaunapeningar fyrir efstu þrjú sæti í aldursflokkum og í heildarkeppni karla og kvenna í 5 km og 10 km hlaupum. Einnig eru veitt verðlaun í 3 km hlaupi og 5 km hjólreiðum, auk útdráttarverðlauna meðal þátttakenda. Verðlaunaafhending fer fram kl. 13:00 í Miðbæjargarðinum.
Kort af hlaupaleiðum:
Hvað þarf ég að gera á hlaupadag:
- Sækja númerið mitt í útibú Landsbankans á Selfossi á Austurvegi 20. Opið frá 9:00
- Para saman númerið mitt og klára skráningu á https://bib.is/bruarhlaupid/
- Sækja bolinn minn (hafi ég ekki afþakkað hann)
- Reima á mig hlaupaskóna og mæta í góðu skapi. 😊
- Koma mér að rásmarkinu
- Skemmta mér í hlaupinu og muna eftir að drekka nóg (drykkjarstöðvar eru eftir 5 km í 10 km hlaupi og í endamarki)
- Kíkja í sund í boði Sveitarfélagsins Árborgar
- Kíkja á mannlífið og Sumar á Selfossi
Aðrar upplýsingar:
Allir þátttakendur fá frítt í sund að hlaupi loknu gegn framvísun keppnisnúmers, í boði Sveitarfélagsins Árborgar.
Salernisaðstaða er í bílakjallara Krónunnar og JYSK rétt við rásmarkið við Árveg.
Sumar á Selfossi er haldið þessa helgi og því tilvalið að staldra við á Selfossi að hlaupi loknu og njóta hátíðarinnar.
Veðurspáin: