Efla styrkir Fimleikadeild Selfoss

Fimleikar Efla samfélagsstyrkur

Verkfræðistofan Efla hefur úthlutað styrkjum úr Samfélagssjóði Eflu og hlaut Fimleikadeild Ungmennafélags Selfoss einn af þeim tíu styrkjum sem úthlutað var nú í haust. Efla leggur í störfum sínum áherslu á þrjú gildi, þau eru hugrekki, samvinna og traust og má með sanni segja að iðkun hópfimleika nái til allra þessara gilda.

Fimleikadeild Umf Selfoss hefur sýnt frábæran árangur á liðnum árum og meistaraflokkur deildarinnar varð í vor Íslandsmeistarar, Deildarmeistarar og Bikarmeistarar í hópi blandaðra liða.

Það er deildinni mikilvægt að eiga sterka bakhjarla og njóta stuðnings og skilnings í samfélaginu og eru Eflu færðar góðar þakkir fyrir stuðninginn.

Á myndinni eru Páll Bjarnason hjá Eflu á Suðurlandi, Eva Grímsdóttir, fyrirliði blandaðs liðs meistaraflokks Selfoss og Þóra Þórarinsdóttir, formaður Fimleikadeildar Selfoss.