Verðlaunahafar á Unglingalandsmótinu

HSK Fyrirmyndarfélag Unglingalandsmót

Keppendur af sambandssvæði Héraðssambandsins Skarphéðins stóðu sig frábærlega á Unglingalandsmótinu á Sauðárkróki um verslunarmannahelgina. Á heimasíðu HSK var greint frá öllum verðlaunahöfum HSK í einstökum greinum á mótinu.

HSK átti auk þess keppendur í bogfimi, golfi, körfuknatleik og strandblaki,  en keppendur í þessum greinum unnu ekki til verðlauna.

Hugsanlega hafa fleiri unnið til verðlauna, s.s. í boltagreinum með liðum sem voru ekki skráð undir HSK. Ábendingar um fleiri verðlaunahafa af sambandssvæðinu er vel þegnar á netfangið hsk@hsk.is.

Frjálsíþróttir

Keppendur HSK unnu alls 56 verðlaun, þar af 23 Unglingalandsmótstitla og settu auk þess  fimm Unglingalandsmótsmet.

Boðhlaupssveit HSK  hjá strákum 12 ára  hlupu á 56,91 sek. Viktor Karl Halldórsson, Kolbeinn Loftsson, Hákon Birkir Grétarsson og Dagur Fannar Einarsson voru í sveitinni. Þetta er einnig nýtt HSK-met en gamla metið var frá 1983 sem var 56,9  sek. á handtíma.

Styrmir Dan Steinunnarson 15 ára stökk 1,96m í hástökki, setti Íslandsmet og bætti tveggja ára landsmótsmet Sigþórs Helgasonar um 10 cm.

Viktor Karl Halldórsson kastaði spjótinu 38,31 m og bætti sjö ára landsmótsmet Sindra Hrafns Guðmundssonar um 22 cm.

Hjalti Snær Helgason Selfossi kastaði spjótinu 32,97m og bætti 11 ára gamalt landsmótsmet Brynjars Gauta Guðjónssonar um 2,09m.

Að lokum jafnaði Hákon Birkir Grétarsson frá Selfossi tveggja ára landsmótsmet Daníels Inga Egilssonar þegar hann hljóp 60m grindina á 10,89 sek.

Verðlaunahafar í frjálsíþróttum á mótinu:

Glíma

Sjö keppendur frá HSK unnu til verðlauna í glímu.

13-14 ára Stelpur
1. Laufey Ósk Jónsdóttir

11 ára strákar
1. Ólafur Magni Jónsson
2. Unnsteinn Reynisson

12 ára strákar
2. Finnur Þór Guðmundsson

13 ára strákar
1. Sölvi Svavarsson

14 ára strákar
1. Gústaf Sæland
2. Anton Breki Viktorsson

Knattspyrna

Nokkur lið voru skráð til leiks í knattspyrnu og komust þrjú þeirra á verðlaunapall. Stelpur í flokki 11-12 ára sem kölluðu sig Býflugurnar urðu í öðru sæti.   Brynhildur Sif Viktorsdóttir, Fjóla Ólafsdóttir, Glódís Ólöf Viktorsdóttir, Guðfinna Ósk Eiríksdóttir, Inga Matthildur Karlsdóttir, Íris Arna Elvarsdóttir, Íris Embla Gissurardóttir, Kristín Ósk Sigmundsdóttir, Sara Rós Sveinsdóttir og Þóra Björg Yngvadóttir voru í liðinu.

11-12 ára strákalið HSK varð í þriðja sæti. Aron Birkir Guðmundsson, Dagur Fannar Einarsson, Guðmundur Gígjar Sigurbjörnsson, Heiðar Óli Guðmundsson, Jón Vignir Pétursson, Tryggvi Þórisson, Unnsteinn Reynisson og Viktor Karl Halldórsson voru í liðinu frá HSK.  Auk þess spiluðu þrír UÍA strákar með liðinu.

Gullguttarnir í flokki 13-14 ára urðu í öðru sæti. Í liðinu voru Alexander Hrafnkelsson, Aron Emil Gunnarsson, Haukur Þrastarson, Martin Bjarni Guðmundsson,  Sölvi Svavarsson, Valdimar Jóhannsson og Þorsteinn Freyr Gunnarsson.

Mótokross

Fjórir keppendur unnu til verðlauna í mótokrossi. Gyða Dögg Heiðarsdóttir vann mx unglingaflokk stúlkna, Ármann Baldur Bragason varð Unglingalandsmótsmeisari í 85 cc flokki stráka 12-13 ára, Ólafur Atli Helgason varð annar í mx unglingaflokki 14-18 ára og Elmar Darri Vilhelmsson varð annar í 85 cc flokki stráka.

Skák

Nokkrir keppendur tóku þátt í skák frá HSK og unnu bræður til verðlauna. Aron Birkir Guðmundsson varð í öðru sæti með fimm vinninga í flokki 11-14 ára og Heiðar Óli Guðmundsson varð þriðji, einnig með fimm vinninga.

Starfsíþróttir

Keppt var í stafsetningu og upplestri á mótinu.  Jakob Unnar Sigurðarson varð Unglingalandsmótsmeistari í stafsetningu í flokki 11-14 ára og  Laufey Ósk Jónsdóttir varð þriðja í sama flokki.

Sund

HSK átti nokkra keppendur í sundi. Dagbjartur Kristjánsson vann til sjö verðlauna í flokki 13-14 ára stráka. Hann varð þrefaldur Unglingalandsmótsmeistari, vann 50 m skriðsund á 30,15 sek, 100 m skriðsund á 69,85 sek og 50 m baksund á 42,84 sek. Hann varð annar í þremur greinum, í 100 m fjórsundi á 1:21,24 mín, í 50 m flugsundi á 35,09 sek og í 100 m bringusundi á 1,42,22 mín.  Þá varð hann þriðji í 50 m bringusundi á 47,45 sek.

Tölvuleikir

Keppt var í fyrsta sinn í tölvuleikjum á Unglingalandsmóti. Keppt var í FIFA 14 og voru tveir í liði.  Sex lið voru skráð frá HSK. Liðið Sterarnir varð í öðru sæti og í liðinu voru þeir Mathías Bjarnason og Gústaf Sæland.